Pechado por traslado dende o 20-5-2006. Estou en http://malodeaturar.blogaliza.org

domingo, dezembro 25, 2005

Desexos confeitados

Sobredose [non] fraterna
nas cadeiras familiares
dunha noite [seica] boa.
Pulo ao vento xiado
[pausa publicitaria]
nos ollos pechos [no entanto, canta].
Xantares abondosos
en lembranzas non-vividas.
Copos rebordantes
do licor da esperanza.
[Desexos confeitados
en caixas individuais,
sen caducidade]

O'Xirarei
no Nadal do 2005